347. SKIK
Veur Ali, mien vrouwe
-----
mien vrouwe topt nogal ens lep
möör vaker eit zee pet
en dat met viefentachtig jöör
ik vind dat wel heel vet
en koel en wat veur termen ook
ze dööran noe verbindt
mien vrouwe blif wat ze al was
een heel leergierig kind
-----
ik rammele op mien toetsenbord
veur mien seit wat hen en weer
möör soms helpe ik mien vrouwe
dat gebeurt een enkele keer
want toppen wördt bie disse schat
vake toch wel een getob
dan pak ik ook möör èven an
helpe haer der boavenop
-----
mien vrouwe heurt een beetjen härd
ik heb een stemme van geweld
dan denkt zee dat ik kwoad bin
möör ze is gauw gerustesteld
as ik op haer oren wieze en zegge
meid, iej bint een lieeve schat
het zol wel heel wat zachter können
had iej een goed geheur ehad
----
dan werken wiej weer dapper deur
mien lieeve vrouwe en ik
zoo hebbe wiej op olde dag
beiden nog völle skik
ik spelle dat lieever met een ‘kaa’
want skik gef een boest, een kik
en zoo genieete wiej elke dag
mien lieeve vrouwe en ik
-----
Crödde – Zundag, 22 mei 2016
