327. Allemoale onzin
Van heuren zeggen lieeg iej een boel
Ze könt oe wat veurlieegen
Doot zelluf nieet mee met dat gelul
Hold lieeveder oew smoel
Der wordt wat leugens uitekraamd
en altied in het slechte
Dat is wöör ‘k tegen vechte
Dat een mense zich nieet schaamt
-----
Diee Crödde, iej weet wel, diee riemelaer
diee kan toch zoo mooi proaten
Diee zo’k, a’k oe was, met oew vrouwe
möör nooit allene loaten
En hee lik zoo aerdig, möör is gemeen
Dat kui’j toch zoo wel zieen
“k Heb alles veur oe oaver
A’k ter möör an verdieen”
-----
Möör Crödde, trekt het oe nieet an
Loat ze möör rustig proaten
Gin mense hier gleuft ter wat van
Het is gewoon wat ruften loaten
Wiee in het roddelen verzinkt
diee spuit slechts dunne driet en stinkt
Zon mense geet oe graag te lief
nieet enkeld oe möör ook oew wief
-----
Wat ze roddelt, is gin kattepis
dat mo’j wel heel goed vatten
Geroddel stinkt nog härder as de zeik
van onze lieeve katten
En wil iej an van heuren zeggen
heel gauw een ende maken
“Allemoale onzin” is genog
Op mekäre blieft de kaken
-----
Crödde, 25 april 2016
