321. MONDÖRGEL
Toen hee de radio anzetten
was hee op slag een en al oor
Want deur de ruumte golfden lieeflijk
geluden van een hemels koor
-----
Heel stille ging e derbie zitten
luusterend nöör het klankenspel
De woorden kon e nieet verstoan
de zuvere akkoorden wel
-----
Hee veulden de muziek der sferen
vibrerend deur zien lichaam goan
örgelmuziek uut honderd kèlen
hee was volledig anedoan
----
Zien mondörgel lei op de toafel
Hee pakten hem en spölden mee
Op moate en met juuste tongslag
dreef e wieegend op de golven mee
-----
En toen het koor was uutezongen
realiseerden hee zich pas
dat zon zuver zingend koor
een machtig mooi mondörgel was
-----
Diepenveen, donderdag 7 april 2016