Watertorendicht
> Categorie: De Ravenstroater / Niesselt
Gepubliceerd: zaterdag 10 oktober 2009
Denkend an de olde Ravenstroate / Ziee ik mien döör weer as jonge goan / En met vrinden an Niessel an de lege löswal stoan / Ik kan diee olde kindertied nog steeds nieet achter loaten / Ik ziee mien oldere breurs noe weer de Iessel oaverstèken / Al vol lef schotjesspringend midden in de wintertied / Ik ziee mien lieeve moder weer diee bange zuchten liet / Ziee was zoo angstig dat het brosse ies zol brèken / Ik ziee de bulte weer ebouwd van Wissink’s brune törven / Diee hee met zien familie uut Drenthe had ehaald /Schipper van eigen tjalk volledig ofbetaald / Handel in diee crisistied dat mos’iej toch wel dörven / Der wären völle stempelende werkelozen / Het lèven ging veur hun nieet oaver rozen / Völle later beseften ik het feitelijk pas / hoe ärrem of menigene in onze buurte was.Mien vader was een reiziger in gören en in band / Hee had een goeie bane / en wat wären wiej toch rieke / Ik hadde niks te wensen as ik dat zoo bekieke / Wiej heurden lange nieet bie de ärremsten van ons land / Mien moder bracht möör èven zes jonges groot / Möör tut ons groot plezier was ter ook nog een meisjen / En as het ’s zomers heite was dan kregen wiej een ijsjen / En völle kinder uut diee buurte bint noe allange dood.Mien härsens raakt noe toch een beetjen deur mekäre / Want bèèlden komt en goat: de buurte lèèft nog voort / In mien gedachten ziee ik nog diee kinderschäreDiee an den Iessel spölden wöör de trein nog spoort / Van west nöör oost nöör west nog altied al diee jören / Wat bin ik bliej dat ik al diee beelden op mocht spören. En wiej uut Dèèmter kump kent ook zien prachtige watertoren / Diee heerst as machtig vorst oaver mien stad met verve: / Symbool van Lèvend Water da’k drinken mag tut het moment wöörop ik sterve. Crödde van Niessel --------------- ------------- Woensdag, 26 november 2008
