4 Dreumvrouwe ... Ilona von Trischt.
> Categorie: De Liggende Vrèters
Gepubliceerd: dinsdag 09 juni 2009
Dreumvrouwe … Ilona von Trischt. Gerrit zakten zoo weer in sloap. … Hee zat bie Ilona op de kamer. Hee zat met een dèken um het onderlief eslagen in een luie stool, zee was met noald en droad bezig een noad te stikken, steekjen veur steekjen. Beiden verlègen, beiden met een blos op de wangen, zwiegend. "Wanneer ....", beiden gelieke. Handgebaer van hem. "Wanneer hebben waai ons vooar het letst kezien". Hee heurt dat der een Duuts accent in dee woorden klinkt. Ze roajt zien gedachten. "Mein moeter is ja Deutsch, mein ene grootmoeter Hongaars, mein andere Roessisch, ik bin in Duitschland keboren worden en met mein outers voor deem kriek naar Holland kekommen. An Pietje Pelle heb' jij kehoord dat ik Nederlandse opvoeding kehad heb. Wij zijn van Joodse afkomst. In Hellendoorn ondergedoken, in buurt sanatorium"."Een half jaar na de troonswiseling van Wilhelmina op Juliana ben ik hier de berg af gegaan". Hee weet de doatum neet meer precies, möör wat maakt dat noe uut. Hee hef wat te proaten, vrög of ze zich het feest bie de kreuning van Juliana op het veurplein hier nog herinnert. "Nou en of. Ik heb met jou gedanst. Je was in je mooiste militaire pakje, je service-dress, met de zilveren driehoekjes erop van de officiersopleiding van de Huzaren van Boreel. Ik was keleich verliefd op je dann en ik dach jaai op maai". Gerrit knikt. "Ik werk hier nu al jaren". Hee is eroerd tut in zien tenen, döör tintelt het. Hee zeg dat Ilona een mooie name is. "Het zijn drie abkortingen. Mein moeter heette Ilse, mein Russische grootmoeter Natasja, mein Hongaarse grootmoeter Lowita. Mein ouders wilden niet discrimineren de Russen, de Hongaren of de Duitschers, vandaar Iel-lo-na,alfabetisch".Hee mot lachen; as hee met haer zol trouwen, hee durft der hoaste neet an te denken, en zee zollen kinderen kriegen, wat zol dat dan een Europees gezin wèzen. Zol hee haer noe vroagen kunnen? Tuurlijk wel! In het sanatorium had hee dat neet kunnen doon. Hee weet van Hans Poonk en Liefje Paais hoe dat of-elopen is. De directeur had in de gaten ekregen dat dee twee met mekäre gingen en ze wazzen de berg of-etrapt. Möör dee hadden stiekum in de bos evrejen; dat kui'j neet maken in een sanatorium met zoovölle positieve patiënten. Hee zol het haer bots vroagen.Hee geet stoan, hef egeeneet deur dat de dèken oaver zien enkels hangt en vrög: "Ilona, wil jij mijn meisje zijn?"Ilona schut verschrikkelijk in de lach. Zee wis op de dèken, wöör zien grote voten heel veurzichtig onderuut komt kieken. Hee hef het deur. Een kop as een bolle. Haer zachte ärmen veult hee um zien nekke. Zee vlit het heufd tegen zien börste en vrög: "Wil jaai maai nog wel na dit?". Hee kan gin "joa" fluusteren, möör strik haer oaver de hören.De brook kump toch klöör. Hand in hand loopt ze nöör het kantoor van de adjuct-directrice. "Binnen". En metene derachter: "As ik het neet edach' hadde. Netuurlijk kwam iej hier weer um oew bruud te halen. Gefilseteerd, dat bint iejluu weerd".Ilona der vrieje uurkes zit der op. Hee geet nöör de werkplaatse um Broeder Eggink te zeggen wat der zich of-espöld hef. Döör hef hee immers reten en bamboe-meubels van leren maken. Dee kan Ilona wel helpen met het huusroad, dat der mot kommen. Het is ondertussen rustuur, hee kump gin mense tegen, behalve weer Dokter Vos, dee controleert of der ook mensen bint, dee met een of meer tenen in de zunne ligt. Hee maakt hem deelgenoot van zien geluk. "Heel verstandig, dat je een meisje van het oude volk gekozen hebt, die hebben woestijnbenen!" Gerrit is inens klöörwakker van het lachen … . “Lig toch niet zo te woelen”, zegt Ali.Zo stille meugelijk dreit Gerrit zich umme … .
