2. VOORWOORD
> Categorie: De Liggende Vrèters
Gepubliceerd: dinsdag 09 juni 2009
Een Dèventer Jonge in Volkssanatorium Hellendoorn Niks uut dit verhaal mag gebruukt worden zonder toestemming van de schriever. Het verhaal is um te lèzen, veur te lèzen en te geneten!Het verhaal geet oaver Gerrit Willem Kuijk. Hee kuurden van meert 1948 tut ende juli 1949 in Hellendoorn. Dokter Herman Vos zweiden döör toen de scepter, en met succes. Gerrit was in november 1947 bie de Huzaren van Boreel in dienst ekommen as dienstplichtig soldoat. Gelukkig had hee een vaste beneuming as onderwiezer an de openbäre legere schole in Hengforden. Döör kon hee noa zien diensttied altied weerumme kommen. En dat is oke gebeurd. Jammer genog kreeg hee in dienst tuberculose. Hee most kuren in het Volkssanatorium in Hellendoorn, in het dialect uut-esproaken as Helderen. Hee had toen al verkering met Ali Witteveen. Zee is later ook zien vrouwe eworden.Gerrit was deur de Oaverheid veurbestemd officier te worden. Dat is nooit gebeurd. Zien zeekte liep hee op tiedens dee opleiding.Toen Gerrit weer bèter was, zetten hee zien loopbane bie het onderwies voort. In 1983, Gerrit was toen zesenvieftig joor, wier hee oaverspannen, zoodoanig dat zien chefs het neet verantwoord achtten dat hee bleef werken. Ofkeuring volgden. In zien oaverspannenheid bleek het opschrieven van zien gedachten en geveulens een fantastische therapie. Boavendien was hee noe in stoat ook zien dreumen oaver en herinneringen an Helderen in het Dèventers op te schrieven in zien eigen nieje Dèventer spelling. Hee begon döör aerzelend an. Möör het lukten hem een boel dinger van zich of te schrieven.Ook zien dreumen bint werkelijkheid, al komt döör toostanden in veur dee neet met de realiteit oavereenstemt. Niks löt zich noe eenmoal dwingen. Want zeker de eerste periode van zien schrieveriejen was in zien gedachten en dreumen een verwärrende tied. Gerrit Kuijk - Woonplaats: Diepenveen – L. van Bommelweg 7 – tel.: 0570-591212E-mail: a l i g e r t @ x s 4 a l l . n l
