141 Weerstand

> Categorie: Literatuur Gepubliceerd: vrijdag 01 april 2011
An de slachtoffers van kernenergie 

Veur wiej mekäre op eerde hebt uutemoord 

Ontsteet ter hier wel weer een nieje mensensoort 

Ene diee gin last hef van al diee felle straling 

Zee hef zich anepast en an diee straling maling 

En zo is dan plutonium en ook de nucleaire energie 

Conventioneel eworden ofal binne wiej döör nieet meer bie 

Nöör härtelust kunt ze dan ook weer bommen streujen 

En ondertussen kunt de boeren blieven heujen 

Want veur het lèven is ter gin gevöör van straling 

Dus et een ieder vlees en vis: gerookte paling 

Wat fein dat dan atoomkracht echt weer kan 

Want wat genieete wiej as mensen döör samen noe al van 

Al binne wiej noe met zien allen nog in groot verzet 

De veurstanders van kernkracht hebt toch al grote pret