126 Sliepsteen der Natuur
In haer sliepsteen hef Moder Natuur ehakt
Hierop wördt de botte biele eslepen
Wöörmee de lèvensknup wördt deurehakt
Möör meestens hef De Sliepster nieet goed opepast
En sleep zee nieet zoo scherp wöördeur de droad nieet brak
--- --- --- --- --- --- --- --- --- --- --- --- --- --- --- --- --- --- --- ---
As ik Moder Natuur ens in mien klauwen kriege
Is het zeker dat ik haer an mien stèèkwapen riege
Zoodat ik zelluf het heft kan in de handen griepen
Um endelijk de biele weer ens scherp te sliepen
Met dat de mensen nieet zoo lange hooft te liejen
En ik hun in één klap van piene kan bevriejen
--- --- --- --- --- --- --- --- --- --- --- --- --- --- --- --- --- --- --- ---
Möör wiee bin ik? Machtloos um mien döörtoo te zetten
Want ook ik bin onderworpen an de monsterlijke wetten
Dit mot de mense wel beseffen: Natuur maakt korte metten
