48. Onechtpaer - Kruksken - Stelling - Aerdig

> Categorie: Literatuur Gepubliceerd: zaterdag 07 november 2009
Onechtpaer 

 

Zee gingen samen nöör de bioscoop

Al weken van te veurten was e an-ekundigd

De pornofilm wöörin zoo werd ezundigd

Tegen de goeie zeden dat de geilheid droap

Van ’t dook wöörtegen disse rolprent wier eteund

En hee genoat – Hee vond dat wondermooi zon prent

Hee most dat zieen al kostten dat zien laatste cent

En zee – Zee had hem tut diee tied altied möör weer verscheund

 

Möör zee veulden zich enommen – weer – as zoo mennig keer

Zee zag hoe hee genoat bie ’t kieken – wöörumm’ dan nooit bie haer

Wat hield hun al diee jören dan toch nog bie mekaer’

Zee was härtstiike zeker – Zee hoofden hem nieet meer

 

Zee schoat de bioscoop uut – strukelden de nachtlucht in

Uut was hun samenwèèn – Zee stond an een niej begin

 

 

 

Kruksken

 

Ens las ik veur

Uut eigen werk

Ezèten op een kruksken

Ik was nerveus

De kruk diee kraakten en

Ik deej möör een klein stuksken

Ik nam een doodgewone stool

Toen hing nöör mien geveul

Het zaaltjen an mien lippen

Een kruk kan deur zien kraken

De andacht doon ontglippen

Wat een kruk was ik toch

Of lieeveder een kruksken

Dat ik dat most ervären

Deur dat kleine ongeluksken

  

Stelling

 

De Elfstedentocht

Is

Een natuurwet

  

Aerdig

 

“Wil iej een lift?“ – “Mo’j in een hele hoge flat goan wonen!”