27. Meer vierduiten

> Categorie: Literatuur Gepubliceerd: woensdag 04 november 2009

 Vierduiten 3

Zee hef een boel doktersromans elèzen

Ze is al vake met zon man etrouwd

Ze zol het zelf egeeneet willen wèzen

Vrouwe van een dokter – zoo hef zee ‘t al benauwd 

4

Gelukkig had zee hem al jören neet ezeen

En wist ook helemoale neet hoe of het met hem ging

Möör as zee an hem dacht, was of t’r een zoerkoolsteen

An een dik galgentouw haer um de nekke hing

5

Een breur van mien hef zich een huusken loaten zetten

Zien vrouw’ en hee bint met plezier döörin egoan

Zee zekt – Oew centen op de banke loaten stoan

Döörmee maakt  derden, as ze kunt, heel korte metten

6

De herfsttied kump noader, zeg de zomer mien

Figuurlijk geldt dat ook mien eigen lèven

Ondanks de wärmte en de zunneschien mot ik

Bie ’t denken an de winter èven bèven

7

‘k Lope geärmd met mien vrouwe deur de stroaten

Wiej komt ze tegen dee noe weer allenig bint

Wiej zekt eerst niks dööroaver tutdat zee begint

Wee van ons beiden zal de ander achter motten loaten –

8

‘k Beluustre streekzenders op mien mooie radio’

t Bint onze dialecten wöör ik mien mee pleziere 

Möör Drente is bie toeren slecht heurbaer of zoozoo

Toch pak ik hem, vroag neet hoe of ik dat versiere

9 

Radio Drente lig mien heel noa an ’t härte

Veural Drentes cultuur sprek mien onmundig an

Möör alle Drents gekeuvel hold ik van

Familie van mien Dèventers en vast neet in de verte