25. Zundag

> Categorie: Literatuur Gepubliceerd: woensdag 04 november 2009

Het is stille in huus – wiej zit te lèzen

De klokke slöt – het mot tien uur wèzen

Ik ziee ze goan langes de stroaten

Diee de kerken hebt löög eloaten

Döör bin ik ook bie – loat ik eerlijk wèzen

Want ik zitte immers thuus te lèzen 

Ze sjokt en jogt in plaatse van te mediteren

Van God en zien gebod hooft ze enkeld dit te leren

Gezondheid diee steet boavenan

Loat sjokkend sjouwen möör wat joggen kan

Zo wördt de zundag deurebracht

Een niej geleuf hebt ze bedacht 

Ach joa verloopt toch is wat tied

Het leven raak iej toch wel kwiet

Of iej noe jogt of zit te kerken

Slietage blif wel an oe werken

Het is stille in huus – wiej zit te lèzen

Mien vrouwe en ik – het zal ellef uur wèzen 

Ens zal de klokke twalef uur sloan

Dan – nieet uutesjokt nieet uutelèzen

Modde wiej wel stoppen goan

Want wiej mot ergens weet wöör wèzen

Kerken – lèzen – joggen – welk wonderlijk bewègen

Wiej blieft licht en luchtig uut te vègen