1.Dialect

> Categorie: Literatuur Gepubliceerd: donderdag 15 oktober 2009

Tante was joarig --- De hele familie der naorto --- Dat was gewoonte --- ---- --  ’s Middes de kinder - ’s Oaves Va en Mo - Tante was joarig ---  Breur Jan was zieek ---Hee kon nieet mee --- Hee had de griep, grijp, greep --- Hoe mos’ iej dat zeggen ---  Hoe zei iej dat heel leep --- Want Jan mos’ toch een taertjen … ! … … … … ..Tante was joarig -- Jan hef de griep -- Zei Moo -- Zeg dat èven -- ’t Is grijp … dacht kleine Geit -- dat geleuf ik al zien lèven … … … … … … … … … … ..Tante was joarig - Kamer vol visite groot en klein ---- ----- Wel gefilseteerd - - Zei Gerrit --Jan hef de grijp - Ze bersten van het lachen - Dat vond Geit nieet fijn … … … … … … … … … … … … … … … … … … … … … … … … … … … … …  Tante was joarig - Diee jonge toch - Lachten Ome - Altied löllekes … … … … .Ik wol ook wel zon zönne - Hee had enkelt dochters - --- --- ---- --- ---- --- --- Diee sprakken nieet gewoon - Toen nog nieet --- --- --- --- --- --- --- --- --- --- ---  Tante was joarig - Kleine Geit at zien taertjen - Hee veulden zich de held … …Ik wis wel - Zei hee leep - Dat het gin grijp mos’ wèzen - Jan diee hef de greepTante was joarig - Wat begonnen ze te lachen - Zo-as kleine Geit --------- verwach’en --En toen ging hee met een vaertjen - In zien hand een zeksken met - - - --- --  Veur zien breurken Jan  --- --- --- Een taertjen …. …. …. … … … … …

Crödde van Niessel

Crödde van Niessel is een dichter diee op een hele räre wieze op de wereld ekommen is. Zien vader zat an Niessel te vissen toen as hee een nöttedöpken in het water zag drieven dichte bie een kribbe bie de lege löswal in Dèventer. Vader bedacht zich gin moment, hee stapten der nöör too en haalden het beutjen nöör zich too. Toen zag hee dat ter een bloot jungesken in lei; dat most pas geboren wèèn. Dat zag hee zoo. Pik in het is Herfst, dacht hee. Hee dacht dat hee de jonge Free At Quay  had ontvangen, want hee was handelsman, FAQ, wat zoo völle wil zeggen, als veur niks ofelèverd. Hee nam het kindeken mee nöör huus, gaf het an zien  vrouwe en hee zei: “Ons is een kindeken geboren”. Dat kwam goed uut, want het was net kässemis. Hee neumden het Crödde van veurten en Van Niessel van achter. Hee gaf het kind nieet an bie de burgerlijke stand van Dèventer. Iej zölt diee name Van Niessel döör oke nieet vinden. Hee is ontstoan in het brein van de vader. Zoodoonde. Vrage beantwoord: Hoe kump Crödde an zien name?

Vader Kuijk