443. -IJ- of -IE-

> Categorie: Literatuur Gepubliceerd: vrijdag 15 september 2017

Sallands greun klanklandjuweel

-----

Ik wone in “De Pellerije”.

In mien greune Sallands zeg ik “Pellerieje”!

Da’s net as met het mooie greune Wijhe:

In ’t plat neume wiej dat härdop “Wieje”.

Zoo neume wiej ‘spugen’ gin ‘spijen’,

Nee, in greun Dèventers zegge wiej “spiejen”.

Wij hoeve’ ook geen pijn te lije’:

Wiejluu hebt piene motten liejen!

Wij late’ ook niemand betije’,

möör  wiej loat hem gewoon betiejen.

We gaan ook geen eindje rije’,

möör wiej goat wel een endjen riejen.

O joa, ik vergète hoaste nog wat,

ik mot oe dit nog zegen dat

onze taal vrogger zoowat

gin diftongering hef ehad.

En ik wete zeker en gewis

dat een tweeklank ook wel ‘diftong’ heet,

een ‘monoftong’ een klinker is.

En wat ik verder ook nog weet

dat de hier ekoazen stijlfiguur

‘kruussteling’ of ‘chiasme’ heet

-----

Dan dit oaver ’t Iesselstrèèkse greune Wieje:

De schoon wordt ter epoetst met spieje.

Dat is een domme olde mop;

’t Is bèteder dat ik möör stop!

Möör wöör ovve wiej ook woont,

in de greune gemeenten Dèventer, Roalte,

en natuurlijk ook greun Olst-Wieje,

“Ons Salland is een greun klanklandjuweel!”

rope wiej, ikke en ieje!?

-----

Crödde van Niessel – Salland, 15-09-2017