442. Zeukt het möör uut!

> Categorie: Literatuur Gepubliceerd: donderdag 14 september 2017

Een spreuksken

-----

Der was ter ens een keuninkriek,

de keuning heetten Sander.

Dat was een snookböörs van formoat,

völle groteder as een ander!

-----

Het ‘Keuninkriek der Waterlanden’

dat was gewoon een zeujtjen:

van ärmoo leien een boel luu

in de körtste tied het leudjen.

-----

Het kabbenet was uutregeerd.

Der most een niej stel kommen

Vier snoken, echte rovers dus,

dat wazzen hele dommen.

-----

Het duurden en het duurden möör!

Het wol möör steeds nieet lukken!

Sander wier allerjekus kwoad,

want hee zat met de stukken.

-----

Het visvolk in ons Waterland

wier hellig as de neten.

En dat hebt diee vier snoken

wel achterof  eweten.

-----

Op vlaggetjesdag hield Sander

zien jöörlijkse troontoespraak.

Diee was heel kort, möör onder ons,

direkt en heel ärg raak:

“Leden der Waterstaten!” zoo riep

hee heel ärg luud, “Ik wil nieet langeder

keuning wèèn! Iejluu zeukt het möör uut!”

-----

En zoo wier deur diee voze kliek

het 'Keuninkriek der Waterlanden'

echt een bananenrepubliek!

-----

Crödde – 14 september 2017