401. ANDIGIBEET
veur digibeten
-----
wat ik oe vandaag’ wil zeggen
is nieet zoo meujlijk uut te leggen
het geet oaver de niejvorm digibeet
wöörvan ik eigens wel wat weet
evormd trouwens nöör analfabeet
uut het latijns wat ik oke weet
-----
alfa en bèta bint aa en bee
alfabet is dus het aabeecee
en wiee alle letters weet
leert lèzen en wördt alfabeet
möör wiee beslist nieet lèzen kan
krig het veurvoegsel on- of an-
-----
wiee niks van kompjoeteren weet
diee neumt zieneigen digibeet
dat kan nooit dat hee zoo heet
want hee is gewoon andigibeet
was oaver diee niejvorm noa-edacht
was on- of an- derveur ebracht
-----
wiee wat van kompjoeteren weet
is een echte digibeet
andigibeet is vrouwe of man
diee het kompjoeteren heel nieet kan
möör kompjoeteren völt te leren
loat oe töt digibeet bekeren
-----
Crödde van Niessel – Dinsdag, 15-11-2016
