398. Diepenveense Dörpsgenoten

> Categorie: Literatuur Gepubliceerd: vrijdag 11 november 2016

 

Veur alle Diepenveners

van toen en noe

-----

In de tweede helft

van de twintigste eeuw

leerden wiej ze kennen

Evert en Gerda Olthof.

Zee kwammen uut Zutfent

Mien vrouwe en Gerda

wieren vrindinnen

beiden lid van de

‘Nederlandse Bond van Plattelandsvrouwen’

Gerda en Eef

hadden hun härten verpand an

Diepenveen

Eef was een verwoed amateurfilmer

‘Diepenveen’ was altied zien thema

Onderwerpen

stroaten, gebouwen, pleinen

natuur

begraffenissen, brulluften, optochten

en goat zoo möör deur

Noa het hengoan

van Eef

droeg Gerda

zien völle filmpjes

an andere lieefhebbers oaver

met name Theo Hoetink.

Zoo kwammen ze bie de

“Historische Vereniging Diepenveen”

-----

Gisteroavend, donderdag de tienden van

de elfden tweeduzend zestiene

noa de presentatie van

‘Van Kloosterkapel naar Dorpskerk’

deur Lamberthe de Jong,

wieren filmpjes van Eef en Gerda verteund

De presentatie van Lamberthe

was een feest veur ons

de filmverteuning tèvens

De oavend deej ons weer beseffen

wat völle mensen veur Diepenveen

betèkent en betèkend hebt

-----

Crödde van Niessel