395. LAKMOESPROEF

> Categorie: Literatuur Gepubliceerd: woensdag 02 november 2016

Leerriem oaver de pH

Potentia Hydro … enzoowieter

of Zuurgroad

-----

Een moes is net een dikke pap

van een boel soorten planten

Bie lakmoes bint dat korstmossen

en een antal anverwanten

Ze wordt fien emalen töt een moes

sameneperst in een zève of hoes

Het vocht ‘lekt’ in een grote kroes

en zoo ontsteet ‘lek-‘ of ‘lakmoes’

-----

Een vleujstof kan heel basisch wèzen

an zurig dus tegengesteld

Alkalisch wördt ook wel ezegd

Op schole is mien dat verteld

Lakmoespapier in vocht edeupt

kleurt bie zuur helder rood

In basisch vocht verkleurd het blauw

’t Verschil is heel ärg groot

Disse lakmoesproef gef zuver pries

of vocht zurig of basisch is

De kleur is rood of blauw, nooit gries

Diee proef hef het nooit mis

-----

As kinderen heel graag weten wilt

of olders wel hun olders bint

dan könt ze döör gauw achter kommen

as ze een onderzeuk begint

Een DNA-test gef bewiezen

net zoo as de lakmoesproef

Der völt dus niks op of te dingen

maakt de uutslag bliej of maakt e droef

-----

Een test diee een uutslutend antwoord gef

wördt vake ‘lakmoesproef’ eheten

Iej bint noe op de heugte

a’j dat nooit hebt eweten

-----

Crödde van Niessel