392. 'FIEN ZÈVEN'!

> Categorie: Literatuur Gepubliceerd: donderdag 27 oktober 2016

 

Veur alle grofsprèkers!

-----

Geveulens en gedachten

spölt in alle mensenlèvens

een hele zwöre rol,

dus in het miende tèvens.

In mien klinkt feitelijk

een veurtdurend fluusteren.

Ik kan nieet anders as

nöör dat fluust’ren goed

luust’ren.

-----

Veur het uteren van mien

geveulens

gebruukten ik twee zèven:

een grovven veur diee luu

diee ik hun vet wol gèven,

een fienen veur de mensen

diee ik toch èven nog wol eren,

nee.., nooit um zukke luu

stroop um de mond te

smeren.

-----

Möör ‘k merke wel, de grovve

zève

bezörgt de mensen pienen;

döörumme hantere ik noe

steeds vakeder de fienen.

Ik doo gin afbreuk meer

an andermans innerlijk lèven.

As ik wat uteren wil,

denke ik noe:

‘Fien zèven’!

-----

Crödde van Niessel