389. ORGANZA - NIRVANA

> Categorie: Literatuur Gepubliceerd: vrijdag 21 oktober 2016

Bie de jubileumvaert

van de 45-jörige

“Sociëteit Diepenveen-Dorp”

met de “Organza” op

donderdag, 20-10-2016

-----

Veur alle uutbloazers

-----

Wiej zatten met een grote groep

an boord van de ‘Organza’

genoaten döör met zon vieftig man

heerlijk van de ‘Nirvana’

‘Organza’ is een leuk cruiseschip

van ‘Celjo’, een Dèèmter rederieje

‘Nirvana’ was de feine brunche

tussen Dèventer en Wieje

-----

‘Organza’ is deurzichtige stof

zooas zieje en ook kant

Deurzichtig was oke ons schip:

Wiej keken oaver het land

deur rume ramen oaveral

in dit rustig drievend restaurant

Ik denke dus dat ik goed weet

wöörumme dit schip Organza heet

-----

‘Nirvana’: Boeddhistisch begrip

hef niks te maken met dit schip

’t Is het Hiernoamaals bie diee leer

Döör heb iej heel gin zörgen meer

En hier an toafel zatt’ wiej te èten

en konne wiej alle zörg vergèten

Lieten het buten rustig roazen

Wiej zatten heerlijk uut te bloazen

-----

En toen vaert en brunch wazzen gedoan

konne wiej weer vief jöör verder goan

-----

Crödde – Donderdag, 20 oktober 2016