378. LEKKERE BOEFJES
Veur de jonges
in de Tweede Kamer
-----
Het weurdjen ‘boef’ dat kump
in ‘Dèventers Idioom’ nieet veur,
wiel het toch echt een dudelijk
Saksisch verleden hef.
Het Duutse ‘Bube’, ‘Boebe’,
is termee verwant dus,
vandöör dat het Saksische ‘boef’
de betekenis van ‘jonge’
of van ‘knaap’ hef.
-----
De boefjes in Den Haag
bint dus volstrekt gin schurken
in mien Taal, dat net zoo min
as onze Nederlandse Turken:
Het bint ‘lekkere jonges’
of ‘boefjes’ zoo iej wilt:
diee gun iej toch een ‘Fanta’
en een ‘gehakbal’ goed egrild!
-----
En loat diee lekkere boefjes
möör met mekäre klooien.
Der is niks an de hand
en döörbie valt gin dooien.
De vruiwkes doot döör nieet an mee!
Zee bint immers gin boeven!
Enkeld de mennekes zet deur
hun boeventaal ons staatsbestel
zoo of en too op lösse schroeven!
Van dat gedurig ‘boefjesspöllen’
holdt de meeste ‘kiekers’
en ook heurders wel!
Het brengt de zooneudige humor
in het politieke woordenspel!
-----
Crödde – Woensdag, 14 september 2016
