376. BETUTTELEN
Veur “The Lord of The Rings”
-----
As iej een woord gebruken wilt
weet dan wel wat of ’t beduudt
Weet goed wöör of de klepel hangt
a’j de grote klokke luudt
Iej mot mien nieet betuttelen
zei zien zönne ens heel kwoad
Liep nog wat noa te pruttelen
Hee ging met hem an de proat
-----
Onthold dat tuttel tittel is
wat streepken is of punt
Dat is het grondwoord van betuttelen
‘k Hoape da’j dat vatten kunt
A’k oe betuttele mien kind
zet ik de puntjes op de ‘Ie’
uut lieefde, want Vader is oew vrind
Hee höldt oe der goed bie
-----
Hee nemt oe stevig bie de hand
um oe te leren wat
eigenbetutteling inhöldt
En hee hoapt heel ärg dat iej vat
dat slagen in het lèven kan
a’j discipline hebt ehad
Ene ofgank maakt oe dat wel helder
diee van ‘The Lord of Rings’ Van Gelder
-----
Crödde – Moandag, 15 augustus 2016
