375. Mien lieeve motte

> Categorie: Literatuur Gepubliceerd: zaterdag 13 augustus 2016

Een biologische värkensboer sprek

-----

‘Er wone twee motte in mijn ouwe jas’

is op mien motte nieet van pas

Mien motte is een vette zeuge

wöörmee ‘k mien dagelijks verheuge

Zee is het vruiwken van de beer

Zee is zwienswiefken, hee zwiensheer

Een zwien is zoo iej weet een värken

Zien lucht dat is een hele stärken

Het is een geur diee pas heel heerlijk wordt

as het zwien ebroajen lig veur oe op ‘t bord

Dan löp oe het speeksel zoomöör deur de mond

en èèt iej oew buuksken lekker bärstens rond

Zoo nieet de vegetäriër of ook de veganist

Deur hun wordt vleis uut dierenlieefde nieet emist

-----

Tien keun ziee ik bie disse motte liggen

Keun mot iej weten neume wiej de biggen

Ze likt in ene rieje en het lik een vrolijk heupken

Ze zoegt gulzig de modermelluk en veur ieder is een kneupken

En as ze zat en genog edronken hebt bie moo

likt ze meu en voldoan en doot de eugskes too

Het is een prachtig schouwspel en ik genieete dervan

Zoo geet mien lieeve motte altied möör weer verdan

En as ik soavens late nöör mien bedde goa

genieet ik veur ik sloape nog met volle teugen noa

-----

Crödde – Zoaterdag, 13 augustus 2016