353. BIE DE NEUZE

> Categorie: Literatuur Gepubliceerd: donderdag 02 juni 2016

Veur alle twitterende snotneuzen

-----

Hee zei het bie zien neuze langes

en keek noch rechts noch links

Onder de neuze wreef e het mien

möör deej dat wel wat slinks

Een gat ha’k ‘m deur de neuze eboord

Dat kreeg hee in de neuze

Hee trok de neuze veur mien op

Veur hem gin andere keuze

Mien neuze was eschonden

en mien anzieen döörmee tèvens

Dat bint dus de minnekes

in het gedrag des lèvens

Hee bleef onder zien verwiet

toch wel härtstikke kallem

En butendat, zien taalgebruuk

is het neusken van de zallem

En wrief iej soms de mensen

ens iets onder de neuze

weet dan iej hebt döörbie

een hele grote keuze

Wipneuze en jeneverneuze

höörneuze en zoo meer

en dan ook nog eerdbèzenneuze

Jodenneuze mag nieet meer

Dat is echt een belediging

oftewel discriminatie

en dat heurt toch egeels

nieet thuus in disse jonge natie

Möör oaver disse generatie

bin ik nieet optimistisch

Diee is ronduut ezegd

härt-härtstikke racistisch

Oh meikes, jonges, wèès es wies

en maak een bètere keuze

Nem andere rassen nieet

möör oeweigen bie de neuze

-----

Crödde – Woensdag, den 1-sten van Zeumermoand 2016