340. KOPPENSNELLER

> Categorie: Literatuur Gepubliceerd: donderdag 12 mei 2016

Meschiens weet iejluu nieet

wat of een ‘koppensneller’ is

Dat is in oeluus opvoeding

dan toch wel een gemis

Iej mot dan weten ‘snellen’

betekent ‘roven’, ‘gappen’

Dat is een duvels spel

wat zelfs een kind kan snappen

In ’t Middelnederlands was ‘snel’

‘boosaerdig’ en een ‘snelle®’

een ‘vlugge jonge diee uut stèlen ging’

vaak nog een ‘snottebelle’

De duvel wier ‘snellaert’ eneumd

De ‘duvel’ mocht ‘duvel’ nieet heuren

want anders kon der welens

wat verschrikkelijks gebeuren

Een ‘koppensneller’ was een keerl

diee koppen van de lieken ‘snelden’

en as e döörmee thuuskwam dat

in geuren en in kleuren

an vrouwe en an kinderen vertelden

Ikzelluf mot ik oe vertellen

bin ook een ‘koppensneller’

Ik lèze möör heel weinig

bin völle meer verteller

Ik lèze en ik kape enkeld möör

de ‘koppen’ in de krante

en as ik döörmee klöör bin

gooi ik hem an de kante

Meschiens is dat wel duvelswärk

Ik kan het oe nieet vertellen

Dat kan mien trouwens niks verschèlen

Ik blieve ‘koppen snellen’

-----

Crödde van Niessel – Donderdag, 12 mei 2016