333. Uut de tied

> Categorie: Literatuur Gepubliceerd: maandag 02 mei 2016


Veur alle mensen

-----

‘k Mot oe zeggen mensen, wöör iejluu ook ter wereld

in west of oost, in noord of zuud oe möör bevindt

dat ik bemerke dat bie het klimmen van de jören

vake eerst heel langzaam dan steeds sneller de oftakeling het wint

De tied geet steeds möör vlugger, ik lieke dus steeds trager

Meschiens heb ik dat trouwens wel helemoale mis

Het kan ook nog wel wèèn, möör dat kan mien nieet verschèlen

dat het helemoale anders en dus het umgekeerde is

-----

In het oosten en het westen, in het noorden en het zuden

oaveral dut dit verschiensel zonder uutzundering zich veur

Hetzelde droof verhaal heur ik van vrinden en van vremden

En het geet nog steeds möör sneller, dat is wat ik altied heur

Wiej mot heel goed beseffen, het blif eeuwig hetzelde lied

Ook het langste lèven is möör kort: Wiej bint snel uut de tied

-----

Crödde - zondag, 1 mei 2016