328. Koor van Knikkerdeknak

> Categorie: Literatuur Gepubliceerd: dinsdag 26 april 2016

hèkelvärs

-----

Een stel van voele dieeven

diee inbrèèkt met gemak

neume wiej op zien Dèèmters

een koor van knikkerdeknak

En bie dit koor van VeeVeeDee

blik menig olde zak

ook al völle jören lid te wèèn van

het Koor van Knikkerdeknak

Ik dachte dat het mensen wazzen

enkeld van kolde kak

möör ze hebt zich stiekem rieke ‘zongen in

het Koor van Knikkerdeknak

Ook bankier Zalm kwamp ter bie

had an alle wetten lak

ontpopten zich as een bankier van

het Koor van Knikkerdeknak

Een kennis zei mien: “Weet iej wöörum

ik met heer Rutte brak

Wiel e noa het referendum lid wier van

het Koor van Knikkerdeknak”

Al minstens zeuven VeeVeeDeejers

tel ik op mien gemak

diee echt bint goan beheuren töt

het Koor van Knikkerdeknak

De pure individualist

diee sociaal verbrak

beheurt van eigens töt

het Koor van Knikkerdeknak

Wiee lid is van de VeeVeeDee

denkt slechts an eigen zak

beheurt töt een groot dieevengilde

of Koor van Knikkerdeknak

-----

VeeVeeDee wier KaaVanKaa

mene ik as olde zak

Het koar van liberalen wier töt

Koor van Knikkerdeknak

-----

Crödde