324. De Stentor

> Categorie: Literatuur Gepubliceerd: zaterdag 16 april 2016

Mien liefblad is “De Stentor”, ook vrogger al as enigst “Dèèmter Dagblad”

Ik moche toen een dialectrubriek wel zeuven jöör verzörgen

“Vertaald”; de lèzers schient döör toen völl’ an te hebben ‘had

En noe wördt mien evroagd kedoos uut te goan dèlen an vrinden

‘k Gleuve vier wèken een dagelijkse “De Stentor” helemoal veur niks

Möör goeie vrinden zonder een abonnement kan ik väste niet vinden

Hoe of ik ook mien beste doo, dat krieg ik nooit efikst

Met dit vers “De Stentor” nog ens oprecht en eerlijk te eren

Leek mien, redactie, een völle bèteder en ook een leukeder idee

Möör dan mo’j dit leuvende dialektgedicht natuurlijk publiceren

want as het enkeld möör op de seit van www.gwkuijk.nl kump

les gin mense dat en dut gin hond ter nog wat mee

Ik kan nieet loaten oeluu tèvens een goeie road te geven

Begint op het regiogedeelte weer een mooie soaterdagse dialektbladziej’

Dat zal het väste lèzerstal hier in den Iesselstrèèk zeker doon stiegen

Dat maakt de strèèktaalsprèkers en –lèzers väste härtstikke bliej

Verders wi’k d’uutgever van dit regionale blad heel härtelijk bedanken

Dat e de strèèkblajen noast al de landelijke kranten nog löt bestoan

Want het bint hele zwöre tieden, wöörin de regionale klanken

In het grote en ingriepend eerdgebeuren helemoale ten onder dreigt te goan

-----

Dit is mien kleine biedrage um mien liefblad nog ens te promoten

‘k Hoape dat ’t helpt, al is het nieet zon groten

-----

Diepenveen, 16 april 2016

Crödde van Niessel