317. HET BOS IN of .....

> Categorie: Literatuur Gepubliceerd: zondag 20 maart 2016

NÖÖR ESPELO of SPLO

-----

de politieke groep eSPé

telt landelijk nog steeds nieet mee

zee wördt deur d’anderen eweerd

diee hebt zich van hun ofekeerd

sociaal telt in dit land nieet meer

het kapitaal geet grof tekeer

Pévédéjaa en Vévédé

diee hebt het veur het ‘joa’ of ‘nee’

soms nog deur anderen esteund

diee verder achteroaver leunt

en zoo kump enkeld nog töt stand

wat slechts de pest is veur ons land

-----

laatst was ter ook weer zon debat

ik weet nieet meer van hoe of wat

‘k dach’ met de puber Sander Dekker

diee vent diee maakt het ook steeds gekker

hee ging tegen de eSPé te keer

en toen trok Emiel ook van leer

Dekker probeerden met zien kuren

Emiel het bos weer in te sturen

möör Roemer liet dat nieet gebeuren

liet dudelijk zien standpunt heuren

ik zegge dat noe altied zoo:

Emiel geet nieet nöör ESPELO of SPLO

-----

Crödde