316. VLUCHTELINGEN
Diepenveen, de 19-den van lentemoand 2016
-----
Beste Eerste Minister,
De oavereenkomst oaver vluchtelingen met de Turken is ter
Ik heb dööruut al wel esnapt iej en diee Turken bint allemoal van gister
Wat vluchten motten werkelijk beduudt, dat snapt bie oe gin enkele minister
-----
Enkeld Angela Merkel hef de toostand van de verdreven mensen goed esnapt
Dööumme wördt zee deur de socialen, greunen en liberalen in de grond etrapt
Gelukkig hef de Duutse Kanselier alle kritiek an haer stevige soepele leerz’ elapt
-----
Zet astoeblieef, Europa, oew binnengrenzen veur de ontheemden wiedwagen lös
Met dat zee met hun kleine kinder nieet hooft te sloapen op het zeiknatte weidegrös
Umhels diee ärreme medemensen, geef hun een thuus, en loat hun nooit meer lös
-----
Oh, Premier Mark Rutte, teun oe eind’lijk ens een lieefdevolle Vader van Europa
En loat de vremde kinderen toe met hun olders en, as ze diee nog hebt, hun oma en hun opa
Denk an diee kinderen Gods diee an de poorten van Europa klopt en sterven zult in coma
-----
Oew Moder hef oe nieet eleerd zoo egoïstisch, meedogenloos en goddeloos te handelen
Iej bint godvruchtig opevoed, en nog wel protestant, iej mot langs de Godsweg wandelen
-----
Een profeet uut Diepenveen
