274. Lèvendige Taal
Met kracht heb ik elèèfd vanof mien vrogste jeugd
Nooit en te nimmer he’k mien op wat ook ooit bezonnen
Wa’k doon wol, döör bin ik pats boem metene an begonnen
En döördeur, denke ik, he’k mien steeds weer en weer verheugt
Löögte was nooit gin innerlijke stried veur mien
Kats vol zat ik mien hele lange lieeve lèven
En wat ter ook gebeurden, ‘k bin lèvendig eblèven
En zien was veur mien wèzen en wèzen dat was zien
Noe word ik achentachentig, a’k dat teminsten hale
En lèvendig blief ik op pad nöör niej belèven weer
Allengs geet de gang deruut, wöör ik welens van bale
‘k Wete möör al te goed: plots bi’k ter al egeenieet meer
Lèvendig bin ik dan nieet, möör toch blief ik, en nog wel in twee talen
“De Pellerije” – 03-09-2015
Crödde van Niessel is geboren op 29 september 1927 in de Ravenstraat op nummer 8 te Deventer en hij hoopt in september 2015 ‘achentachentig’ te worden
