201 Dörpken Diepenveen

> Categorie: Literatuur Gepubliceerd: donderdag 07 maart 2013

Van zuud nöör noord streumt ter den Iesselt en de streumkes

slingert zich as wèteringen onder de strakke lucht zoo blauw

Wiee der ens was, keert weer, raakt nooit ter uutekeken

Het dörpken lig ter altied greun en nimmer grauw

 

Ens stond in Borgele een bord met een politiehand

LET OP den ZIJWEG !, zei het, groot in ‘t zwärt eschreven

Wiesvinger van diee hand wees nöör mien greune land

‘k Ziee nog de poale met diee hand, zoo hoog’ eheven

 

En wiej hebt opelet: wiej bint de zieweg ofegoan

En ’t was in Rande wöör wiejbeiden dan belandden

Is het verwonderlijk dadde wiej heel bliej döör strandden?

 

Bleven der hangen, heet dat, en wiej wazzen heel content

Noe bint de kinder groot, zee woont hier geenieet meer

Möör zee komt hier met grote vreugde vake weer