179 Sonnettenkrans: Vandage is märgen gister XV

> Categorie: Literatuur Gepubliceerd: vrijdag 03 juni 2011

grieze schoemkoppen  

noordwesten wind  

een spöllend kind   

met water soppend  

krage rechtop  

stoa ik te kieken  

wind in de rugge  

tegen het rume sop   

ik mot weerumme   

nöör vroggere jören   

ik spölden in de zunne  

wind deur de horen  

völle kump weerumme  

ik heb kunnen spören  

--------------------------------  

Disse sonnettenkrans wier deur mien voltooid op 22-11-1988. Ik hebbe diee serie sonnetten edicht met de opzet een krans te leggen veur de mensen uut Dèventer ofkomstig, diee hun lèven eloaten hebt in de Tweede Wereldoorlog, met name veur Etty Hillesum.

Pas noe bin ik in de gelegenheid dit werkjen universeel via mien e-book te presenteren.

Dat doo ik graag. 

Crödde van Niessel ---------------------------- Dèventer, vriedag, 3 juni 2011