GDD XLIX Sterke Werkw. - Klasse VI - OA(AA), A - OE, O - OA(AA), A-Ablaut

Klasse VI: OA(AA), A – OE, O – OA(AA), A-Ablaut:

Gotisch: slahan (uutspr. slagan) – Dèventers: sloan – Onbepoalde Wieze: sloan – Onvoltooid Deelwoord: sloand(e) – Voltooid Deelwoord: eslagen – As bievoeglijk naamwoord gebruukt: geslagen – een geslagen hond.

Tegenwoordige Tied Duratief: ik sloa – iej sloat (sloa iej) – hee *slöt, slög – beiden sloat – wiej sloat (sloa wiej) – iejluu sloat – zeeluu sloat.

Verleden Tied Duratief: ik **sloeg(e) - iej sloegen -  hee sloeg – beiden sloegen – wiej sloegen (sloege(n) wiej) – zeeluu sloegen.

De vorm in het tweevold is gelieke an diee in het meervold. *slöt – slög komt beiden veur; **sloeg hef nog de klank h of ch an het ende. 

In de volgende veurbeelden wordt de vormen egeven van:

Onbep. Wies – stam – 2^de pers. enk. t.t. – 3^de pers. enk. t.t. – verl. tied enk. – verl. tied meerv. – volt. deelw.

Sloan – sloa – sloat – slöt(g) – sloeg – sloegen – eslagen

Dragen – draag – draagt – drög – droeg – droegen – edragen

Graven – graaf – graaft – gröf – groef – groeven – egraven

***Vären – vaer – vaert – vöört – voer – voeren – evören

****(Ver)stoan – verstoa – verstoat – versteet, -stit, -stöt – verstond – verstonden – ver(e)stoan

*****Lachen – lach – lacht – lech, lacht – loech – loechen – elachen

******Goan – goa – goat – geet, git, gut – gong – gongen – egoan 

***Vären in de betekenis van ‘riejen’ is in het Dèventers beheurlijk verolderd.

****Verstoan: 3^de pers. E. t.t.: stit noast steet en stöt is noe heel gewoon.

*****Lachen: loech(en) kump nauwelijks nog veur.

******Goan: gong, gongen wordt as kinderlijk taalgebruuk anemerkt! Ziee oke Sterke Werkwoorden: Klasse VII     

• Vorige
• Volgende