GDD XLVI Sterke Werkwoorden - Klasse III - I, E - O-Ablaut
Klasse III: I, E - O-Ablaut:
Gotisch: bindan – Dèventers: binden – Onbepoalde Wieze: binden – Onvotooid Deelwoord: bindend(e) – Voltooid Deelwoord: ebonden – As bievoeglijk naamwoord gebruukt: gebonden – een gebonden book.
Tegenwoordige Tied Duratief : ik binde – iej bindt (bind iej) – hee bindt – beiden bindt – wiej bindt (binde(n) wiej) – iejluu bindt – zeeluu bindt.
Verleden Tied Duratief: ik bond(e) – iej bonden – hee bond – beiden bonden – wiej bonden (bonde(n) wiej) – iejluu bonden – zeeluu bonden.
De vorm in het tweevold is gelieke an diee in het meervold. In de volgende veurbeelden wordt de vormen egeven van: Onbep. wies – stam – 2de en 3de persoon enkelvold teg. tied – verl. tied enk. – verl. tied meerv. – volt. deelw.
Binden – bind –bindt – bond – bonden – ebonden
Beginnen – begin – begint – begon – begonnen – begonnen
Spinnen – spin – spint – spon – sponnen – esponnen
Zingen – zing – zingt – zong – zongen – ezongen
Zinken – zink – zinkt – zonk – zonken – ezonken
Stinken – stink – stinkt – stonk – stonken – estonken
Zenden – zend – zendt – zond – zonden – ezonden
Schenden – schend – schendt – schond – schonden – eschonden
Gelden – geld – geldt – gold – golden – egolden
Zwellen – zwel – zwelt – zwol – zwollen – ezwollen
(Ver)bergen – berg – bergt – borg – borgen – eborgen (verborgen)
(Be)trekken – trek – trekt – trok – trokken – etrokken (betrokken)
*Trimpen – trimp – trimpt – tramp (tromp) – trampen (trompen) – etrompen
Klimmen – klim – klimt – klom – klommen – eklommen
Zwemmen – zwem – zwemt – zwom – zwommen – ezwommen
Schrikken – schrik – schrikt – schrok – schrokken – eschrokken
*Trimpen is in het Nederlands uut het Engels weerumme ekommen as trimmen. As een Dèventersen an het trimpen geet, trapt hee van zich of. Hee of zee kan dus een ander in mekäre trimpen. As een mense geet trimmen of trimpen, kan hee of zee in het Dèventers dus zeggen: ‘Ik tromp (tramp) vandage heerlijk’ of ‘Wat heb ik weer fantastisch etrompen’.
Scheren en Zweren heurt oke in disse klasse; ze hebt beiden een lange i (ii – uutspr. iee):
Scheren – scheer – scheert – schoor – schoren – eschoren: een geschoren kinne.
Zweren – zweer – zweert – zwoer – zworen – ezworen : een gezworen eed