GDD XLIII Gemengd Zwakke Werkwoorden
Gemengd Zwakke Werkwoorden hebt gin ablaut; het voltooid deelwoord eindigt wel op –en.
Veurbeeld:
Onbep. Wies: 1.zweten – teg. deelwoord: 2.zwetend – stam: 3.zweet – teg. tied duratief: ik 4.zwete – iej 5.zweet – 6.zweet iej – hee 7.zweet – beiden 8.zweet – wiej 9.zweet – 10.zwete(n) wiej - iejluu 11.zweet – zeeluu 12.zweet – verl. tied duratief: ik 13.zweetten – iej 14.zweetten – hee 15.zweetten – beiden 16.zweetten – wiej 17.zweetten – iejluu 18.zweetten – zeeluu 19.zweetten – volt. deelw.: 20.ezweten.
Een ander gemengd zwak werkwoord met zien vormen:
1.heten – 2.hetend –3.heet - 4.hete – 5.heet – 6.heet – 7.heet – 8.heet – 9.heet – 10.hete(n) – 11.heet – 12.heet - 13.heetten – 14.heetten – 15.heetten – 16.heetten – 17.heetten – 18.heetten – 19.heetten – 20.e-heten.
Feitelijk bint der möör acht vormen:
1.broajen – 2.broajend – 3.broaj – 4. broaje – 5.broajt – 6.broaje(n) – 7.broajden – 8.ebroajen.
Veur lachen komme wiej töt de volgende vormen: 1.lachen – 2.lachend – 3.lach – 4.lache – 5.lacht – 6.lache(n) – 7.lachten – 8.elachen.
Soms wordt nog in het Dèventers eheurd ‘Hee loech mien uut’. Dat kump um reden dat lachen een sterk werkwoord ewest is. Een boel van diee werkwoorden hebt een regelmoatig klinkerverloop ekregen.
Möör der bint ook werkwoorden diee van regelmoatig onregelmoatig eworden bint.
Tegenwoordig is vroagen een gemengd sterk werkwoord, möör het volt. deelw. is zwak: vroagen – vrieg (vroeg) – evroagd!
De zwakke werkwoorden rukt oke in het Dèventers op, de sterken mot het ofleggen tegen de zwakken, möor het blif taal en een als möör durende stried tussen … joa, wiee feitelijk …, mensen met hun taalgebruuk? Tussen fout of goed?
WORDEN is een prachtig veurbeeld van verzwakking in het Dèventers: 1.worden – 2.wordend – 3.word – 4.worde – 5. wördt (wordt) – 6.worde(n) – 7.wördden (gin wieren meer) – 8.eworden.
ZOO BLIEFT MENSEN IN HUN TAAL EEUWIG ZEUKEN NÖÖR EENVOLD EN RÈGELMOAT!
