GDD XLII Regelmoatige Werkwoorden - Zwakke Werkwoorden

> Categorie: Grammatica Deventer dialect (GDD) Gepubliceerd: maandag 01 februari 2010

Zwakke Werkwoorden. 

Hier volgt eerst de regels van vervoeging, mede met het oge op de spelling in het Dèventers.

Onbepoalde wieze: veulen (ned. voelen) – onvoltooid of tegenwoordig deelwoord: veulend(e) – voltooid of verlejen deelwoord: eveuld (klank –t), as bievoeglijk naamwoord gebruukt: geveuld(e) – het geveulde verlangen – stam: veul.  

Tegenwoordige tied (duratief): ik veule – iej veult (veul iej) – hee veult – beiden veult – wiej veult (veule(n) wiej) – iejluu veult – zeeluu veult. 

Verlejen tied (duratief): ik veulden – iej veulden – hee veulden – beiden veulden – wiej veulden – iejluu veulden – zeeluu veulden. 

Onbepoalde wieze: (zich) härden – (nöör analogie van veulen) – onvoltooid of tegenwoordig deelwoord: härdend(e) – voltooid of verlejen deelwoord: ehärd, as bievoeglijk naamwoord gebruukt: gehärd(e) – een gehärde keerl – stam: härd. 

Tegenwoordige tied (duratief): ik härde mien – iej härdt oe (härd iej oe) – hee härdt zieneigen – beiden härdt huneigen  - wiej härdt ons (härde(n) wiej ons) -  iejluu härdt oeweigen - zeeluu  härdt huneiegen. 

Verlejen tied (duratief): ik härdden mien – iej härdden oe – hee härdden zieneigen – beiden härdden huneigen – wiej härdden ons – iejluu härdden oeweigen – zeeluu härdden huneigen. 

Verlejen tied (duratief) van kitsen (ned. missen, gappen): ik kitsten – iej kitsten – hee kitsten – beiden kitsten – wiej kitsten – iejluu kitsten – zeeluu kitsten. 

Samenvattend: Zwakke werkwoorden kriegt in de tegenwoordige tied in de eerst persoon enkelvold stam of stam  +e , in de andere personen stam+t. Steet iej achter de persoonsvom dan wördt enkeld de stam eneumd en eschreven! Steet wiej achter de persoonsvorm, dan wördt de persoonsvorm of met –e of –en uutesproaken. De spelling mag an de uutsproake an-epast worden! (Kuijk).

In de verlejen tied kriegt zwakke werkwoorden stam+den of stam+ten.