GDD XXXV Hulpwerkwoorden van Tied

Hulpwerkwoorden helpt andere werkwoorden met een

¹tiedsaspect an te geven, een

²veurstellingsaspect te duden of modaliteit, een

³verdragend, liejend, ondergoand (passief) aspect te geven. 

Hulpwerkwoorden van Tied: hebben – wèzen (wèèn) – zullen. 

Hier volgt hun vervoegingen: 

Hebben: voltooid tegenwoordige tied:

Ik heb(be) een ende efietst – iej hebt (heb iej) – hee hef – wiej(luu) hebt (hebben wiej) – iejluu hebt – zee(luu) hebt – beiden hebt. 

Hebben: voltooid verleden tied:

Ik had(de) een ende efietst – iej hadden (had iej) – hee had – wiej(luu) hadden – iejluu hadden – zee(luu) hadden – beiden hadden.  

Wèzen (wèèn): voltooid tegenwoordige tied:

Ik bin(ne) nöör Amsterdam erejen – Iej bint (bin iej) – hee is – wiej(luu) bint (binne wiej) – iejluu bint – zee(luu) bint – beiden bint. 

Wèzen (wèèn): voltooid verleden tied:

Ik wazze (was, wäre) (was ik) nöör Amsterdam erejen – iej wazzen (wären) (was iej) – hee was – wiej(luu) wazzen (wären) – iejluu wazzen (wären) – zee(luu) wazzen (wären) – beiden wazzen (wären). 

Zullen: onvoltooid tegenwoordig tookommende tied:

Ik zal mien breur märgen ens opzeuken – iej zult (zul iej) – hee zal – wiej(luuj) zult (zullen wiej) – iejluu zult – zee(luu) zult – beiden zult. 

Zullen: onvoltooid verleden tookommende tied:

Ik zol mien breur de volgende dag opzeuken – iej zollen (zol iej) – hee zol – wiej(luu) zollen – iejluu zollen – zee(luu) zollen – beiden zollen. 

Meer veurbeelden bint nieet neudig um het mondelinge en het schriftelijke gebruuk in het Dèventers van de tiedsaspecten te teunen! 

• Vorige
• Volgende